ద్వేషిద్దాం పదమంటే
దేశాలే కదుల్తాయి
ప్రేమ చూపుదామంటే
పిడికెడుమందీ రారు
ఏ అమ్మ కుమారుణ్ణో
ఏసెయ్యమనడానికి
మంది మందలు కడతారు, తాము
మంచివాళ్ళమనుకుంటారు
ఏ తల్లి లేని బిడ్డనో
ఎదిగిద్దాం రమ్మంటే
ఎటువాళ్ళటు పోతారు
కటికమాటలు మిగులుతారు
కొంపలు కూలుద్దామంటే
గుంపులుగా పోగవుతారు
ఇళ్ళు కట్టిపెడదామంటే
ఇటుక ముక్క దానం చెయ్యరు
ఒకఱి శీలహననం కోసం
చకచక దిగుతారు సహస్రం
వారి గతసౌజన్యకోణం
ఒక్కడైనా చూడడు నేస్తం!
ద్వేషవారుణి క్రోలకుండా
దేనికీ చుఱుకు పుట్టదేల?
ఎదలో మానవప్రేమకు
ఎత్తామెందుకు దివాలా?
విపుల మానవ కల్యాణాని
కుపకరించే సిరిసంపదలు
ద్వేషధూమం పుణ్యమాని
దేకుతున్నాయి బుఱదలో
అందఱొకప్పుడు మానవులు
కొందఱు మాత్రమే దానవులు
అందఱూ దానవులైన తఱిని
హరి వధించేదెవ్వఱిని?
దేశాలే కదుల్తాయి
ప్రేమ చూపుదామంటే
పిడికెడుమందీ రారు
ఏ అమ్మ కుమారుణ్ణో
ఏసెయ్యమనడానికి
మంది మందలు కడతారు, తాము
మంచివాళ్ళమనుకుంటారు
ఏ తల్లి లేని బిడ్డనో
ఎదిగిద్దాం రమ్మంటే
ఎటువాళ్ళటు పోతారు
కటికమాటలు మిగులుతారు
కొంపలు కూలుద్దామంటే
గుంపులుగా పోగవుతారు
ఇళ్ళు కట్టిపెడదామంటే
ఇటుక ముక్క దానం చెయ్యరు
ఒకఱి శీలహననం కోసం
చకచక దిగుతారు సహస్రం
వారి గతసౌజన్యకోణం
ఒక్కడైనా చూడడు నేస్తం!
ద్వేషవారుణి క్రోలకుండా
దేనికీ చుఱుకు పుట్టదేల?
ఎదలో మానవప్రేమకు
ఎత్తామెందుకు దివాలా?
విపుల మానవ కల్యాణాని
కుపకరించే సిరిసంపదలు
ద్వేషధూమం పుణ్యమాని
దేకుతున్నాయి బుఱదలో
అందఱొకప్పుడు మానవులు
కొందఱు మాత్రమే దానవులు
అందఱూ దానవులైన తఱిని
హరి వధించేదెవ్వఱిని?
పదాలూ భావాలూ కూడా శక్తి వంతంగా, ప్రభావవంతంగా సరిగ్గా అమరి ఉన్నాయి. పరిస్థితులను ప్రతిఫలిస్తున్నాయి. ఇటువంటి పరిస్థితులున్నాయే అని బాధపడవలసిన సందర్భం. అభినందనలు చెప్పలేను.
రిప్లయితొలగించండిలక్ష్మీదేవిగారూ! కృతజ్ఞతలు. ఇది 2013 లో వ్రాసిన కవిత.
రిప్లయితొలగించండి